غيرت كلمة السر الواي فاي و نسيتها كيف أستطيع استعادتها

عسلامة Bouthyna ،

أول حاجة الطريقة إلي باش نقلك عليها مهوش منصوح بيها كان عندك des caméras de surveillance مربوطين بل wifi 4G

إذا نسيت كود الـ WiFi وما عادش نجمت تكونكتي، تنجم ترجع الكود القديم اللي مكتوب في ظهر المودم (الـ Box) بطريقة سهلة:

ثبّت في المودام: لوج على بلاصة صغيرة مكتوب فوقها RESET.

استعمل حاجة جويدة: (إبرة ولا trombone) والا كوردون (Cur dent).

أنزل عليها: إنزل على reset و أقعد نازل مدة 30 ثانية كاملة لين الـ Box يطفا ويشعل وحدو.

النتيجة: هكا الـ Box يرجع للـ "الصفر" (Paramètres d'usine)، وتولي تنجم تكونكتي باستعمال الmot de passe (Password) المكتوب في الétiquette اللي من التالي.

ملاحظة: ربالك، راهو كي تعمل Reset، أي تبديل عملتو قبل (كيما اسم الـ WiFi أو كود سبيسيال ولا كان مربوطين في caméra de surveillance) بش يتمسح كل شي ويرجع كيف ما شريتو أول نهار.